भूमिको परीक्षण भवन निर्माण सुरु गर्नु अघि गर्ने सबैभन्दा महत्वपूर्ण प्रक्रिया हो। सही भूमिको छनोट र परीक्षणले भविष्यमा घर, मन्दिर वा अन्य संरचनामा आउने सुख-दुःख निर्धारण गर्छ। वैदिक वास्तुशास्त्रमा भूमिको परीक्षणका विभिन्न विधि उल्लेख छन्, जसले जमिनको शुभ-अशुभ र निर्माणको उपयुक्तता पहिचान गर्न मद्दत गर्छ।
१. खाल्टो खनेर भूमिको परीक्षण
भवन निर्माण गर्नुपर्ने स्थानको बीचमा एक हात लामो, एक हात चौडा र एक हात गहिरो खाल्टो खन्नुपर्छ।
- यदि खाल्टो पुर्दा माटो बाँकी रह्यो भने त्यो भूमी उत्तम र शुभ मानिन्छ।
- यदि माटो बराबर भयो भने भूमी सामान्य र मध्यम फलदायी हुन्छ।
- यदि माटो कम भयो भने त्यस्तो भूमी भवन निर्माणका लागि अशुभ मानिन्छ।
यसरी खाल्टो खनेर र माटोको स्तर जाँचेर भूमिको उपयुक्तता सजिलै थाहा पाउन सकिन्छ।
२. पानीको माध्यमबाट भूमिको परीक्षण
भूमि परीक्षणको अर्को विधि पानी प्रयोग गरेर गरिन्छ।
- खनेको खाल्टोमा पानी भर्नुपर्छ।
- करिब सय कदम टाढा गएर फर्केर हेर्नुपर्छ।
- पानी जस्ताको तस्तै रह्यो भने त्यो भूमी शुभ हुन्छ।
- आधा वा चौथाइ मात्र रह्यो भने मध्यम फलदायी हुन्छ।
- पानी सुक्यो भने अशुभ मानिन्छ र त्यहाँ भवन निर्माण गर्नु हुँदैन।
३. अन्य माध्यमबाट भूमिको परीक्षण
भूमि परीक्षणका अन्य प्राकृतिक संकेतहरू:
- बीउ रोप्दा अङ्कुर आयो भने भूमी उत्तम मानिन्छ।
- पाषाण भेटियो भने वृद्धिकारक,
- इँटा भेटियो भने समृद्धिकारक,
- धातु भेटियो भने शुभ र लाभदायी हुन्छ।
- तर यदि हड्डी, कपाल वा कोइला भेटियो भने त्यो भूमी कष्टकारक र अशुभ हुन्छ।
भूमिको परीक्षण केवल पुरानो परम्परा मात्र नभई वैज्ञानिक दृष्टिले पनि महत्त्वपूर्ण छ। यसले जमिनको शक्ति, पानीको स्तर र भविष्यका सम्भावित प्रभावको पहिचान गर्न मद्दत गर्छ। शुभ भूमिमा घर बनाउँदा समृद्धि र शान्ति पाइन्छ भने अशुभ भूमिमा समस्या र कष्ट आउन सक्छ।
Nepal’s Best Astrologer :- https://sarvajyotish.com/
